نتكلم شوية عن السكة الحديد
احنا تاني دولة في العالم فيها خطوط سكك حديدية انجلترا الاولي ثم مصرالثانية وكانت من افضل وسائل المواصلات لحد قبل 7 سنين بالظبط من دلوقتي القطارات بعد حادثة قطر الصعيد الدولة اهتمت بيها ونزلت نوع من القطارات اسمه ( سيماف وكان درجة تانية مميزة ) وكان قمة في النظافة والاناقة والراحة بعد فترة صغير بدأت القطارات دي تتعرض لعملية سرقة ونهب ممنهجة من عصابات متخصصة وصلت لحد ان كراسي القطارات والرفوف كانت بتتخلع وتركب القطر متلاقيش شباك يحميك من البرد والهوا ومفيش اضاءة دا غير ان مواعيد القطارات بعد ما كنت بتظبط عليها ساعتك القطر بقى يتأخر لمدة ممكن توصل ل 4 ساعات و 5 ساعات , وبدأ الفساد يتفشى في كل ارجاء المنظومة , بعد ثورة 25 يناير قلنا الدنيا دي هتنتهي ويبدأ النظام يتغير ونحس بفرق ولكن لا حياة لما تنادي , بعد فض أعتصام رابعة توقفت حركة القطارات لمدة تزيد عن شهر وهذه في حد ذاتها كانت مصيبة كبيرة وده لعدة اسباب :
- السكة الحديد من اهم مصادر الدخل القومي لانها بتحقق مكاسب طائلة يوميا نظير بيع التذاكر- توقف القطارات عطل كتير من مصالح المواطنين بسبب عدم القدرة على السفر
- تكدس هائل في حركة المواصلات على الطرق البرية
ولم تهتم الدولة بكل ذلك وهذا مقابل شىء واحد الا وهو ( منع المظاهرات في العاصمة ) , طيب ليه بقى في الوقت الي اتوقفت فيه حركة القطارات هيئة سكك حديد مصر معملتش حملة ممنهجة لتطوير القطارات والمحطات وخاصة ان كل القطارات بلا استثناء في حالة اهمال غير عادي , لماذا لا يتم تطوير انظمة حجز التذاكر وترميم محطات السكك الحديد في الفترة الي الي وقفت فيها السكة الحديد , ولكن انا واثق ان محدش من المسئولين بيفكر في الي انا بقوله اهم حاجة عندهم الامن القومي وتسلم الايادي .
واحنا الضحية المواطن العادي الفقير قبل الغني تعبان بسبب القطارات
ليست هناك تعليقات:
إرسال تعليق